Ամեն տարի կակաչները վերադառնում են ավելի վառ և թարմ տեսքով։ Սակայն միայն որոշներիս է հայտնի նրանց գեղեցիկ պատմությունը։ Այն սկիզբ է առել դարեր առաջ՝ եվրոպական մշակույթից, Կենտրոնական Ասիայից և Արևմտյան Եվրոպայից։ Արդյունքում մինչ այսօր այս ծաղիկները ինչ-որ խորհրդանիշ են շատերի համար։ Այս բլոգում մենք կխոսենք կակաչների պատմության և նրանց տեսակների մասին, ինչպես նաև կպարզենք, թե ինչպես խնամել այս ծաղիկները։

Կակաչների պատմությունը

Կակաչների արմատները սկիզբ են առել Կենտրոնական Ասիայից, իսկ հետո նրանք նաև աճեցվել են Իրանում՝ 10-րդ դարում։ Շատ պատմաբաններ պնդում են, որ կակաչները Եվրոպա են հասել միայն մի քանի դար հետո։

Կակաչների տարածումը Եվրոպայում

16-րդ դարում կակաչները տարածում գտան Արևմտյան Եվրոպայում և Նինդերլանդներում։ Պատմաբաններն ասում են, որ այդ ամենը տեղի է ունեցել շնորհիվ ավստրիացի կենսաբանի։

Այս ծաղիկների հանդեպ հայտնաբերված սերը ստեղծեց նոր գաղափար, ինչի շրջանակում շատերը կակաչ էին ընտրում՝ որպես արժույթ։

Կակաչների տեսակները

Մեր օրերում այս շլացուցիչ ծաղիկներն ունեն տարբեր գույներ, ձևեր և չափսեր, ինչի արդյունքում էլ սիրված ընտրություն են բազում այգեպանների ու ծաղիկներ սիրող անձանց համար։ Նրանք նաև ներառվում են բազում ծաղկային կոմպոզիցիաներում, ինչպես նաև նվիրվում են առանձին՝ որպես կակաչների փունջ։ Ահա կակաչների հայտնի մի քանի տեսակներ։

●       Կարմիր կակաչներ․ Ինչպես կարմիր այլ ծաղիկներ, այնպես էլ կարմիր կակաչներն ասոցացվում են սիրո և կրքի հետ։ Նրանք խորհրդանշում են էլեգանտությունը և ամուր ռոմանտիկ հարաբերությունները։

●       Սպիտակ կակաչներ․ Այս ծաղիկներն ասոցացվում են ներողամտության, հարգանքի և մաքրության հետ։

●       Դեղին կակաչներ․ Ասես արևի շողերը, դեղին կակաչները շատերին հիշեցնում են արևի ամռան ջերմությունը։

●       Մանուշակագույն կակաչներ․ Շքեղություն, առողջություն և ուժ։ Ահա այսպես են շատերը տեսնում մանուշակագույն կակաչները։ Ինչո՞ւ։ Դարեր առաջ մանուշակագույնը հայտնի ընտրություն էր, և միայն արքայական ընտանիքներն ունեին իրավունք կրել այս գույնը։ Արդյունքում այն դարձավ ազնվականության և ուժի խորհրդանիշը։

●       Վարդագույն կակաչներ․ Այս նուրբ գույնը կակաչներին փոխանցում է մեկ այլ նշանակություն։ Կապվածություն, բարեմաղթանքներ, հոգատարություն և ավելին։ Վարդագույն կակաչներն ունեն յուրահատուկ նրբություն, ինչի շնորհիվ կարող են նվիրվել ընկերներին և ընտանիքի անդամներին՝ կապն ու հարգանքի զգացումն արտահայտելու համար։

Ինչպես արդեն պարզեցինք, կակաչները հայտնի ու սիրված են եղել դարեր շարունակ։ Բացի այդ,  գույների բազմազանությունը նրանց տալիս է յուրահատկության և նրբագեղության նոր տեսանկյուն։

Ինչպե՞ս իրականացնել ծաղիկների խնամք

Գոյություն ունեն որոշ գործոններ, որոնք կիրառելու դեպքում կկարողանաք թարմ պահել ձեր կակաչների փունջը։ Ահա դրանցից մի քանիսը․

●       Հատեք եզրերը․ Եզրերը հատելիս ուշադրություն դարձրեք կտրման անկյան վրա։ Անհրաժեշտ է կտրել թեք անկյունով, որպեսզի ծաղիկները կարողանան ներծծել ջուր։

●       Հեռացրեք թափված մասնիկները․ Այս դեպքում դուք կանխում եք մանրէների զարգացումն ու տարածումը, ինչպես նաև կանխում եք ջրի աղտոտումը։

●       Ընտրեք ապակե ծաղկամաններ․ Որոշ ծաղկամաններ, օրինակ, մետաղե ծաղկամանները կրճատում են ծաղիկների կյանքը։ Այսպիսով, կարևոր է ընտրել ապակե ծաղկաման և օգտագործել սենյակային, կամ ավելի սառը ջերմաստիճանի ջուր։

●       Ծաղկամանը տեղադրելու վայրը․ Մեծ նշանակություն ունի, թե որտեղ կտեղադրեք ձեր ծաղիկները։ Կարևոր է ընտրել ավելի սառը ջերմաստիճան ունեցող անկյուն, քանզի կակաչները սիրում են սառը ջերմաստիճանը և թարմ կմնան երկար ժամանակ։

●       Փոխեք ջուրը պարբերաբար․ Կակաչները մաքուր և թարմ պահելու համար հարկավոր է փոխել ջուրը յուրաքանչյուր 1-2 օրվա ընթացքում։ Նաև կարող եք կրկին հատել եզրերը՝ կուտակված ցողուններից ազատվելու համար։

Վերոնշյալ կետերը կակաչների կյանքը երկարացնելու հիմնական եղանակներն են։ Այսպիսով, կիրառելով դրանք՝ դուք կկարողանաք վայելել այս բողբոջների թարմությունը ամեն օր։

Ամփոփում․ Ծաղիկները Հայաստանում

Ինչպես պարզեցինք, կակաչներն ունեն հարուստ պատմություն և ունեն զանազան տեսակներ։ Նրանց շլացուցիչ գեղեցկությունը կարող ենք գտնել այգիներում, ինչպես նաև ծաղկի սրահներում։ Կակաչները կարող են լուսավորել միջավայրը, լինի դա հյուրասենյակ, ննջասենյակ, թե ինչ-որ սրահ։ Ձեր կակաչները ձեռք բերելու համար այցելեք Մոն Ամի ծաղկի սրահ կամ ձեռք բերեք օնլայն՝ առաքման ծառայությամբ։